Пхенчхан мен Каннындағы олимпиадалық қалашықтар қазақстандық спортшыларды қарсы алуға дайын. Алғаш болып еліміздің туы ілінді, - деп хабарлайды ҰОК. - Олимпиаданы ұйымдастыру комитеті бәрін қадағалап, спортшыларымыз үшін барлық жағдай жасап қойды. Пхенчхан мен Каннындағы олимпиадалық қалашықтарда алғаш болып еліміздің туы ілінді, - деп жазады ҰОК ресми сайты. Қысқы Олимпиада ойындары екі кластерде орналасқан 12 спорт нысанында өтеді. Пхенчхан таулы кластерінде шаңғы спортынан жарыстар өтсе, жағажайдағы Каннын кластерінде коньким спортынан бәсекелер өтеді. Олимпиада ауылдары екі кластерде болмақ. Қазақстаннан Олимпиада ауылына бірінші болып ақпанның бірінде биатлоншылар барады. Ертеңінде тау шаңғышыларымыз бен конькишілеріміз кіреді. Артынша шорт-трекшілер мен могулшылар жайғаспақ. Шаңғышылар мен тұғырдан секірушілер ақпанның 5-де ат басын бұрады. Фристайл-акробатикадан ұлттық құрама Оңтүстік Корея жеріне ақпанның сегізінде барады. Мәнерлеп сырғанаушылар жарыс өтетін жерге жеке-жеке келмек.