ТӨРАҒА АУДАН ЖАСТАРЫМЕН КЕЗДЕСТІ

Nur Otan партиясы жанындағы Jas Otan жастар қанатының төрағасы Елнұр Бейсенбаев Жалағаш ауданына жұмыс сапарымен барды.

Алдымен аудандық кітапханада ұлы ақын Абай Құнанбаевтың 175 жылдығына орай «Қазақ халқының сөнбес жұлдызы» тақырыбындағы әдеби-танымдық кешіне қатысты. Сондай-ақ сапар барысында аудандық мәдениет және өнерді дамыту орталығының үйірмесімен, аудандық жастар ресурстық орталығының жұмысымен танысып, атқарылған жұмысқа оң бағасын берді.

Аудандық мәдениет және өнерді дамыту орталығының кинозалында аудан жастарымен кездесіп, ұсыныс-пікірлеріне, сұрақтарына жауап берді.

Айғаным ҚҰРМАШЕВА,
ҚМУ-дың ІV курс студенті