Түркістан облысы, Мақтаарал ауданында су тасқынынан зардап шеккен ауылдарға көмек көрсету туралы аймақтағы қоғам белсенділерінің бастамасын Қызылорда облысының әкімдігі қолдап, бүгін алғашқы көмек жіберілді.

15 тонналық  азық-түлік  және қажетті құрал-жабдықтар тиелген жүк көлігін «Jas Otan» ЖҚ ҚОФ  жетекшісі  А.Қардашов және еріктілер бастап барады.

9 автокөліктен құрылған  волонтер топтың құрамында  айтыскер ақын Мұхтар Ниязов, жас кәсіпкерлерМағжан Ералиев, сондай-ақ  облыстағы жас шығармашылық қоғам өкілдері бар.

Гуманитарлық көмек жинау жалғасуда. Көмек көрсетемін деушілер болса, азық-түлік, киім-кешек пен медициналық заттарды және жеке бас гигиенасына қажет құралдарды Қызылорда қаласы, сол жағалауда орналасқан "Жастар ресурстық орталғына" апарып берулеріне болады. Тел: 8 775 370 00 34, 8 702 556 51 58.