Жүкті болу - әйел өміріндегі ең керемет кезеңдердің бірі. :heart: Мұндай кезде айел адамға ерекше қамқорлық керек. Бүгін біз #қысқанұсқа айдарында бала тууға байланысты жәрдемақыларды еgov.kz электронды үкімет порталында оңай түрде онлайн рәсімдеу жолдарымен бөліспекпіз.

Ең алдымен порталда авторизациядан өтіп, «Отбасы» бөлімінен өзіңізге керекті қызметті табыңыз

«Онлайн сұрау» батырмасын басып, толтырылған өтінімге ЭЦҚ-ңызбен қол қойыңыз

Өтінімде «Қазпошта» немесе «Халық банкі» АҚ-ларынан ашылған жеке шотыңыздың (IBAN) нөмірін көрсету қажет

Ескерту: жеке шот өтініш берушінің атына ашылуы тиіс

Жәрдемақыны тағайындау немесе тағайындаудан бас тарту туралы хабарлама 7 жұмыс күні ішінде жеке кабинетінізге «Қызметтерді алу тарихы» бөліміне келіп түседі

Қажетті құжаттар:

Көрсетілетін қызметті алушының жеке басын куәландыратын құжаты

Жаңа туған баланың және балалардың туу туралы куәліктері

Балаға қамқоршылық белгіленген жағдайда – қамқоршылық белгілеуді немесе бала асырап алуды растайтын құжат

Көрсетілетін қызметті алушының деректері баланың туу туралы куәлігіндегі деректермен сәйкес келмеген жағдайда – неке қию (некені бұзу) туралы куәлік

Өтінішті және қажетті құжаттарды үшінші адам берген жағдайда – сенімхат ұсынады

Онлайн-қызмет тек 2007 жылғы 13 тамыздан бастап баланың туу туралы жазба актісі жазылған, сондай-ақ 2008 жылғы 1 маусымнан бастап некеге тұрған азаматтар үшін қолжетімді