«Асыл мұра - Орда» қоғамдық қоры «ҮЕҰ мен қоғамдастықты қатыстыра отырып қоғамдық кеңестермен жүргізілетін қоғамдық бақылауды дамыту» әлеуметтік жобасының аясында карантиндік режімді сақтау барысында қалалық, аудандық қоғамдық кеңес мүшелеріне онлайн көшпелі оқыту семинары өтті.

Оқыту семинардың тренері облыстық қоғамдық кеңес, Мемлекеттік қызмет істері және сыбайлас жемқорлықа қарсы іс қимыл агенттігі Қызылорда облысы бойынша департаменті Арнайы мониторинг топ мүшесі Болат Нұрхожаев болды. Онлайн оқыту семинарда қоғамдық бақылау саласындағы мақсаттары мен міндеттері, қоғамдық мониторингті ұйымдастыру және жүргізу, қоғамдық сараптаманы ұйымдастыру және жүргізу, жұмыс нәтижелері туралы есептерді тыңдауды ұйымдастыру және өткізу, қоғамдық кеңесті қалыптастыру тәртібі туралы заңнамалар түсіндірілді.