Жаңақорған аудандық ауруханасына "Жаңарған Жаңақорған жастары" еріктілер тобы, "Нұрлы шуақ" еріктілер клубы 8 оттегі концентраты аппаратын табыстады.

Бұған дейін "Жаңарған Жаңақорған жастары" қоғамдық қоры "Бір жұтым ауа" қайырымдылық акциясын жариялаған болатын. Жаңақорғандық жомарт жандар мен жүрегі кең тұрғындардан жиналған жылуға 5 оттегі аппараты сатып алынды. "Қайырымдылық акциясына атсалысқан барша Жаңақорған тұрғындарына, сыртта жүрсе де туған өлкеге бүйрегі бұрып тұратын барша ағайынға алғысымыз шексіз. Ең маңыздысы, науқастарға аурумен күресте қосымша дем беріп, иммунитеті қалыпқа келгенше жәрдемі тиеді деген үміттеміз, ‒ деді кәсіпкер Данияр Досантаев.