Биылғы жылдың ерекшелігі "Жұмыспен қамтудың жол картасы" бағдарламасы аясында М.Ералиева атындағы мəдениет Үйінің ғимаратына жөндеу жұмыстары жүргізіліп, жаңа маусымда есігін айқара ашты. Қалалық мəдениет жəне тілдерді дамыту бөлімінің басшысы М.Ниязов қыстақ тұрғындарын жаңарған ғимаратпен құттықтап, аталған мәдениет үйі халық игілігі үшін жұмыс істеуге дайын екенін жеткізді.

Сондай-ақ шара барысында "Мектепке жол" акциясы қала кәсіпкерлерінің қолдауымен мектеп жасындағы балаларға қажетті 12 қол сөмкесі (оқу-құралдарымен) мен 25 планшет алынып, тиісті отбасыларға "Бірлік" еріктілер тобы жеткізіп берді.