Келіндер сынға түсті

2020 жылғы 26-28 тамыз күндері аралығында Қызылорда қалалық ішкі саясат бөлімі және «Ашық Азаматтық Қоғам» ақпараттық – ресурстық орталығының ұйымдастыруымен «Келіні жақсының керегесі алтын» атты онлайн жас келіндер байқауы өткізілді.

Байқау Instagram әлеуметтік желісінде онлайн түрде @qogam.kzo және @kelinka_aidanka парақшаларында жүргізілді.

Байқаудың мақсаты:

- Қазақ келіндерінің отбасылық тәрбие, әдет-ғұрыптарды қайта жаңғырту мен оны сақтау;

- Келіндеріміздің қазаққа тән ибалылық, нәзіктік, инабаттылық қасиеттерін байқау;

- Жас келіндер өздеріне қойылатын талаптарды білуі;

- Ақ босағадан алғаш аттаған жас келіннің атқарар міндеттері.

Байқау 4 кезең бойынша өтті:

І кезең – Таныстыру, сәлем салу түрі;

ІІ кезең – Ас әзірлеу;

ІІІ кезең – Өз өнері;

ІV кезең – Тікелей эфирде қатысушылармен сұрақ – жауап. Қызылорда облысының жас келіндерін Қызылорда қалалық ішкі саясат бөлімі басшысы Есмаханов Алмасбек мырза марапаттады.

Жеңімпаздарға

І орын – теледидар,

ІІ орын – микротолқынды пеш,

ІІІ орын – мультиварка және арнайы ынталандыру сыйлықтары, қатысушыларға арнайы дипломдар, алғыс хаттар берілді.

Ең көп дауыс жинаған қатысушы «Көрермендер көзайымы» номинациясымен марапатталды. Байқауға қатысушыларды құттықтаймыз.

Жаңалықтар

28 тамыз 2020 ж. 331 0