«Асыл мұра - Орда» қоғамдық қоры «ҮЕҰ мен қоғамдастықты қатыстыра отырып қоғамдық кеңестермен жүргізілетін қоғамдық бақылауды дамыту» әлеуметтік жобасының аясында карантиндік режімді сақтау барысында бүгін Жалағаш, Қармақшы, Сырдария аудандық қоғамдық кеңес мүшелеріне онлайн «ZOOM» форматта «Қоғамдық кеңестің рөлі мен мақсаты» тақырыбында кездесу өтті.  Кездесудің модераторы облыстық қоғамдық кеңес мүшесі, Мемлекеттік қызмет істері және сыбайлас жемқорлықа қарсы іс қимыл агенттігі Қызылорда облысы бойынша департаменті Арнайы мониторинг топ мүшесі Болат Нұрхожаев болды. Кездесу барысында қоғамдық кеңес мүшелерінің мақсаты мен міндеттері туралы, қоғамдық бақылау, қоғамдық мониторингті ұйымдастыру және жүргізу, қоғамдық сараптаманы ұйымдастыру және жүргізу, жұмыс нәтижелері туралы есептерді тыңдауды ұйымдастыру және өткізу, қоғамдық кеңесті қалыптастыру тәртібі туралы заңнамалар түсіндірілді.