ШЫНАЙЫ АҚПАРАТ – БАҚ ШЫРАЙЫ
Журналист – билік пен қоғамның барометрі. Көрермені мен оқырманының сенімін арқалайды. Осы тұрғыда аудиторияны ең көп қамти алатын алаң – телевизия. Ашық қоғамды қалыптастыру мақсатында өз ойын анық жеткізіп, осы алаңда көрермендеріне жігер мен қайрат беріп жүрген журналистің бірі – Әділ Жаханов. Еңбек жолын газеттен бастаған, облыстық телеарнада шыңдалған тілші қазір «Qazaqstan» ұлттық телеарнасында қызмет етеді. Ол орталық жанындағы «Тіл – майдан» жас журналистер клубының мүшелерімен кездесті. Тележүргізуші стилін қалыптастыру, дауыс және сөйлеу техникасы тақырыбында шеберлік сабағын өткізіп, болашақта қаламды қару етсем деген жастарға азық болар дүниемен бөлісті. Спикер шынайы ақпараттың маңыздылығын естен шығармауға, жеделдік пен оперативтілікті серік етуге шақырды.
