Жалпы Абай Құнанбайұлы бала кезінен адамдардан ерекшеленіп, сол замандағы халық жанашыры болды. Осындай дара тұлғаны дүниеге әкеліп, өсіріп баққан Ұлжан, Зередей аналарымызға мың алғыс. Биыл міне, ұлы ойшылымыздың 175 жылдық мерейтойы, соған орай Елбасымыздан осындай мәнді, мағыналы мақала шыққанына алғыс білдіреміз.

Уақыт бір орында тұрмайды. Ұрпақ жаңарады, қоғам жетіледі, талап өзгереді демекші, Елбасы Абай болашаққа үмітпен көз тікті. Ол өлеңдерінде «жаңа өспірім, көк өрім», «тілеуі, өмірі алдындағы», «көкірегі сезімді, тілі орамды» жастарға үлгі бермек үшін ғибрат айтты. «Білімдіден шыққан сөз, талаптыға болсын кез» дей отырып, «дүние де өзі, мал да өзі, ғылымға көңіл бөлсеңіз» деген тағылымын үйретті. Міне, күні кеше Түркия елінде Абай атамыздың ескерткіші ашылды. Бұл қазақ елінің үлкен жетістігі деп білеміз. Қазағымыздың туы көкке желбірей бергей!

175 жылға орай тойда қаншама іс-шаралар жүзеге асуда. Мәдени, тарихи дүниелер паш етілуде. Абай өлеңі жастардың санасында сақталды. Қара сөзі жатталды. Абайдың ізімен жүруге, Абайша шешім қабылдауға тырысатын жастарымыз қаншама?! Біз жастар Абайды үлгі тұтамыз.