ҚҰТҚАРУШЫЛАРҒА ҚҰРМЕТ
Адам өмірінің арашасы деген санатқа құтқарушылар да кіреді. Себебі олар да қызыл жалынға қарамастан, адам өмірін құтқарып қалады. Олардың еңбегі қашан да құрметке лайық. Адамды құтқару үшін бала демей, үлкен демей оттың арасына кіріп кете береді. Облыстық жастар саясаты мәселелері басқармасы құтқарушылардың ерен еңбегін бағалады. Жастар орталығында өткен кездесуде бірнеше сала мамандары марапатталды.
Қуаныш Қуантқанұлы құтқарушылардың кәсіби мерекесінде Қызылорда облысы Төтенше жағдайлар департаменті азаматтық қорғау бөлімінің офицері, лейтенант Артем Тютеревті, Қызылорда қаласы Төтенше жағдайлар басқармасының офицері, лейтенант Нұржігіт Тұрғанбайды марапаттады.
Басқосуда құтқарушы мамандығының жауапкершілігі зор екені, бұл жоғары және жауапты миссия екені айтылды. Шынында, сала мамандарына мықты жүрек, машық және тәжірибе керек. Қиын да күрделі қызметте оларға тек табыс, амандық тілейміз!
