Қармақшылық оқушылар демалыс кезінде, Ұлттық бірыңғай тестілеуге және пәндік олимпиадаларға дайындалу үшін өзге аудан немесе облыс орталығына жіберілетін. Енді өрендер қысы-жазы жұмыс істейтін көп функциялы типтік жобада салынып жатқан кешенде тынығып, білімін жетілдіретін болады. Құны бір миллиард 292 миллион теңгені құрайтын 150 орындық лагерь күзге дейін пайдалануға беріледі деп жоспарланып отыр. Жалпы Қармақшы ауданында құрылыс көлемі 3 есеге дейін артпақ.

    - Жалпы ауданда биыл 9 жарым млрд тг көлемінде құрылыс жұмыстары жүреді. Олардың қатарында көпір, құс фабрикасы құрылысы бар. Осының нәтижесінде қосымша жұмыс орны ашылады, ауданға салынатын инвестиция көбейеді. Сондай-ақ, 4 ірі жолға күрделі жөндеу жұмыстары өтеді. Бұған 1 млрд қаржы бөлініп тұр, – деді аудан әкімі С.Мақашов.