Ол – «Меломен» тобымен бірге сахнада көрермен ықыласына бөленген әнші. «Жұлдыздар мен ұл-қыздар» байқауында шашасына шаң жұқпаған талантты оқушы. «Мен қазақпын» деп ән шырқап, өнеріне ел намысын арқау еткен жас  өрен. Олжас Жасұланұлы бізге өнер әлеміне қалай келгені жайлы әңгімелеп берді.

Олжас: Мен қазір «Мұрагер» мектебінің 4 сыныбында оқимын. Əнді үш жасымнан бастап балабақшада айтып жүрдім. Ал, бес жасымда мерекелік іс-шараларға қатыса бастадым.

Олжас: Ата-əжем өнерден алыс емес. Ал өнерге алғаш баулыған апайым Ғайния Дауылбаева. Әуенді тыңдарманға дұрыс жеткізе білуді, сахна мәдениетін осы кісіден үйрендім.

Олжас: Иә, қазір Қайрат Нұртастың өнер мектебінен сабақ аламын. Ұстазым Раушан Бауыржанқызы талабымды ұштап, әрдайым жігерлендіреді. Әсіресе, республикалық байқауда бақ сынауыма себепші болып, қолдау көрсетіп отырады. Әнді ұстазымның және әкемнің көмегімен таңдауды дұрыс көремін.

Олжас: Әншілерден Қайрат Нұртасты үлгі етемін. Сол кісі тәрізді халық ықыласына бөленгім келеді.

Олжас: Кітап оқығанды жақсы көремін. Рухани азық болатындықтан, қолым бос кезде кітаппен дос болуға тырысамын.

Олжас: Осы кезге дейін «Бал-бала» байқауында, Шымкент қаласында өткен «Қысқы әуен» конкурсында жеңімпаз атандым. Мектептегі шаралардың барлығына дерлік қатысып, ұстаздарымның үмітін ақтап жүрмін. Сондай-ақ, Алматыда өткен республикалық «Жұлдыздар мен ұл-қыздар» байқауында Меломен тобымен бірге ән шырқап, жеңіс тұғырынан көріндім.

Олжас: Халқымның көңілінен шығатын, ұлтқа адал қызмет ететін  əнші болу.  Әніммен  қазақты әлемге танытқым келеді.

Тілші:Әңгімеңізге рахмет! Арманың орындалсын, жас талант!