Астанада 16 ақпанда жоғалып кеткен жеткіншектің денесі үйінің маңындағы қар басып қалған кәріз құдығынан табылды, деп хабарлайды елордалық полиция департаментінің баспасөз қызметіне сілтеме жасап Stan.kz.

19 ақпанда түнгі сағат 23:40 шамасында еріктілер кәріз құдығынан Бақдәулет Өмірханның денесін тапты. Жеткіншектің денесінде зорлық белгілері болмаған.
«Жеткіншектің қайда екенін және қалай жоғалып кеткенін анықтау үшін полицейлер, әскери қызметкерлер және ТЖ қызметкерлерінен шұғыл-іздестіру топтары құрылды. Сонымен қатар оны іздестіруге еріктілер де қосылды», – делінеді департамент хабарламасында.
Бүгінде жеткіншектің өліміне қатысты тергеу жүргізіліп жатыр. Сот-медициналық сараптама тағайындалды.
Еске сала кетсек, 16 ақпанда Астанада Бақдәулет Өмірхан есімді 13 жастағы жеткіншектің жоғалып кеткені туралы желіде ақпарат тараған еді.