БІР СОҚҚЫ...
Бокстан Қазақстан құрамасының капитаны Қамшыбек Қоңқабаев "Странджа-2019" халықаралық турнирінен шығып қалды. Дегенмен ол әдемі жеңісімен ерекшеленді.
Болгариядағы жарыстың бірінші айналымында әлемнің вице-чемпионы түркиялық Мусахит Илияспен жұдырықтасып, оны екінші раунд басында жеңді. Түркиялық қарсылас Қамшыбекті шабуылдауға шақырды. Қоңқабаев ұзаққа созбады: қазақстандықтың бір ғана соққысы түркиялық боксшыны есеңгіретіп тастады. Төреші нокдаун есептеп, жекпе-жекті тоқтатты.
