ЖАСТАР СЫР ТОЛАҒАЙЫМЕН ЖҮЗДЕСТІ

Қызылорда облысы жастар саясаты мәселелері басқармасының тапсырысы аясында Жастар ресурстық орталығында Бокстан ҚР халықаралық дәрежедегі спорт шебері Қоңқабаев Қамшыбекпен кездесуі өтті. Бокстан Германияның Гамбург қаласында өтіп жатқан Әлем чемпионатында 91 келіден жоғары салмақ дәрежесінде сынға түскен Қамшыбек Қоңқабаев күміс жүлдеге ие болды. Жерлесіміз ақырғы айқаста әзірбайжандық Магомедрасул Меджидовпен жұдырықтасып, 4-1 есбебімен есе жіберді.Ол Қызылорда облысының жоғары спорт шеберлігі мектебінде жаттығады. Бапкері ҚР еңбек сіңірген жаттықтырушысы Ғалым Байғұндиев. Әлімдік додада күміс жүлдеге ие болған жерлесімізді жастар жетістігімен құттықтап,  түрлі сауалдарына жауап алып, ашық әңгіме алаңын құрды. Шара соңында естелік суретке түсті.