Ресейдің Екатеринбург қаласында бостан әлем біріншілігінің жалауы желбіреді. Төрткүл дүние көз тіккен бәсекеге 88 мемлекеттен 467 былғары қолғап шеберлері қатысуда. Айтулы аламанда жерлесіміз Қамшыбек Қоңқабаев та бар. Әлем біріншілігі аясында құраманың капитанымен жедел сұхбат ұйымдастырдық.

– Әлем біріншілігі қарсаңындағы бабым жаман емес секілді.  Дайындықты жоғары деңгейде пысықтадық. Жаттығудың екі кезеңін өткіздік. Бірінші кезеңі тауда өтті. Тауда күш жинауға арналған жаттығуларға баса назар аударылды. АІВА базасында жалпы физикалық дайындыққа көңіл бөлдік. Жарыс алдындағы соңғы дайындықты елордамызда жасадық. Жалғыз мен емес барлығының бабы келісті деп ойлаймын. Көңіл-күйіміз де тамаша.

– Команданың капитаны болуы дегеніңіз – өзгелерге үлгі көрсету. Яғни мен өзгелерден оқ бойы озық болып, шаршы алаңда жұдырықтасқан сәтімнен сабақ алуы тиіс.

– Оныңыз рас. Көп жағдайда климат  кері әсерін тигізіп жатады. Бірақ Екатеринбург елімізге жақын болған соң қиындық болған жоқ. Барлығымыз қалыптасып үлгердік. Оның үстіне уақыт белдеуінде де айырмашылық  жоқ. Сондықтан климат жағы біз үшін қиынға соқпады.

– Жеребе жолдас болды деп айту қиындау. Өйткені барлығы жүлде алу үшін келген боксшылар. Гадфа мен Петар туралы толыққанды мәлімет білмеймін. Өйткені қос боксшымен да шаршы алаңда жолықпағанмын. Қайсысы келсе де жұдырықтасуға дайынмын.

– Менің салмағымда 29 боксшы жүлдеге таласады. Тізімге қарасам, жаңа есімдер көп. Бейтаныс боксшылар көп. Сондықтан барлығына сақ болып, жұдырықтасу керек. Өйткені бұрын-соңды көрмеген боксшылардың тактикасы мен жұдырықтасу тәсілі бізге беймәлім.

– Бірден айтайын, әлем біріншілігіндегі 29 боксшының барлығын бірдей қабылдаймын. Себебі әлем бәсекесінің жүлдесін кім алғысы келмейді?

– Әр елдің дайындығы, жоспары, мақсаты бөлек болады. Біздің елде әр маңызды жарыстан соң алған жарақатыңды емдеп, тынығуыңа мүмкіндік береді. Бұл өте дұрыс. Өйткені жарақатыңды толық емдемей, келесі жарысқа шықсаң ескі жараң сыр береді. Кейде жекпе-жекті жалғастыра алмайтындай дәрежеге жетіп, асқындырып алатын жағдайлар да болады. Денсаулығың сыр берсе, саптан ұзақ уақытқа шығып қалуың әбден мүмкін, тіпті қолғабыңды шегеге ілуге де тура келетін жағдайлар кездеседі. Сондықтан алған жарақатыңды толық емдеп алмайынша, жарысқа қатысудың қажеті жоқ деп есептеймін.

– Жалоловты Азия біріншілігіне дейін үш рет жеңдім. Ташкентте өткен бәсекеде жеңілгенім үшін кінәні өзімнен іздеймін. Өйткені жарыс Өзбекстанда өтіп, финалда өзбек боксшысымен жұдырықтасқан соң, қарсыласымнан бір, тіпті үш бас жоғары тұруым қажет болатын.
Сондай-ақ жеңімпазды анықтауды төрешілердің шешіміне қалдырмай, нокаутпен жеңуім керек еді. Спорт болған соң жеңіліс те болады. Құдай сәтін салып, жеребеде кезігіп қалсам, жеңудің амалын қарастырамын.

– Әзірге кедергі кезіккен жоқ. Барлық боксшының ойы шаршы алаң мен әлем біріншілігінде сәтті өнер көрсету болғандықтан Екатеринбургты аралап, шарлап жүрген жоқпыз. Өйткені біз мұнда қыдыруға келгеніміз жоқ.

– Бәсі биік бәсекеде бас бапкердің ақыл кеңесі біз үшін керек-ақ. Қазір Ғалым ағай барлығымызды психологиялық тұрғыдан жетілдіріп жатыр. Психология – жарыс алдында ең маңызды жаттығу.

– Ішкі бәсекелестік барлық салмақта өте жоғары. Кез келген боксшы халықаралық додаларда еліміздің намысын қорғауға дайын. Ал менің салмағымда павлодарлық Олжас Бұқаев, маңғыстаулық жас боксшы Айболды Дәуренұлы және Нұрболды Сермаханов, сонымен қатар Түркістан облысынан Нұрлан Сапарбай бар. Бұлардың біреуі жас, екіншісін «қалпақпен ұрып алам» деуге болмайды. Ұлттық құрамаға деңгейі төмен боксшылар қабылданбайды ғой. Әрқайсысы лайықты қарсылас бола алады.

– Рио Олимпиадасы болатын жылы сол кездегі бас жаттықтырушымыз Мырзағали Айтжанов мені «арландарға» жіберді. Өйткені ол уақытта әлі де ши­кілеу едім. Мырзағали ағай «арландарға» бар, піс, шыңдал, тәжірибе жина» деді. Ұлттық құрамада біршама жылдан бері жүрген соң ол кісі менің қандай деңгейде екенімді жақсы біледі. WSB жобасы мен үшін үлкен бір мектеп болды. Өзімді техникалық және физикалық тұрғыда жетілдіруіме үлкен көмегін тигізді.

– Бірден айтайын, кәсіпқой боксқа ауысуға ниетім де, құлқым да жоқ.  Жан-жақтан қоңырау шалып, келісімшарт ұсынғандар көп болды. Барлығына «жоқ» деген нақты жауапты бердім. Менің барлық арман-мақсатым – Олимпиада чемпионы атану.