Буллингке қарсы біргеміз
Буллинг, қысым көрсету және кәмелетке толмаған балаларға қатысты зорлық-зомбылықтың мақсатында оқушылар арасында кездесу өткізілді. Оған облыс әкімі жанындағы әйелдер істері және отбасылық-демографиялық саясат жөніндегі комиссияның хатшысы Б. Үмбетова, «Bilim Foundation» қоғамдық қорының психологы, "100 жаңа есім" жобасының жеңімпазы С. Абдрахманова қатысты.
Облыс әкімінің жанындағы әйелдер істері және отбасылық-демографиялық саясат жөніндегі комиссиясымен бірлесіп, «Азаматтық бастамаларды қолдау орталығы» КЕАҚ-ның қолдауымен ұйымдастырылған шараның мақсаты – оқушылармен мектеп пен колледж айналасындағы буллинг пен зорлық-зомбылыққа қатысты мәселелерді талқылау. Кездесуде жасөспірімдер білім беру ұйымында кімге көмекке жүгінгісі келетінін мектепте, отбасында сенімді қорғаныста екенін айтты. Дискуссия шеңберінде бейнефильмдер көрсетіліп, тақырып кеңінен талқыланды.
