Ұлыбританиялық ғалымдар коронавирустың өршу қаупі жөнінде ескертті
Болжамды есептеу бойынша, қарашаның ортасында күніне 200 адам бұл дерттен қайтыс болуы мүмкін.
Ұлыбританияның бас санитарлық дәрігері Крис Уитти халыққа үндеу жасап, сақтануға шақырды. 
Оның айтуынша, апта сайын елде коронавирус жұқтырған адамдар саны екі есе өсіп келеді. Бұл қарқынмен қазан айының ортасында күн сайын 50 мың науқас тіркеледі. Ғалымдардың болжамды есептеуі бойынша, қарашаның ортасында күніне 200 адам бұл дерттен қайтыс болуы мүмкін. Жуырда ел премьер-министрі Борис Джонсон Ұлыбританияда індеттің екінші толқыны басталғанын хабарлады.
Қазір ел үкіметі қатаң карантин енгізбеу үшін бар күшін салып жатыр.
