«САУДА ҮЗДІГІ» БАЙҚАУЫ ӨТЕДІ
2017 жылы «Бизнес кеңесші» курсының аясында кәсіпкерлікке қатысты білім алған азаматтар саны жоспарлаған межеден екі есе артып, 1555-ті құрады. Биыл да Кәсіпкерлер палатасы облыс бойынша 800 азаматты «Бизнес кеңесшінің» аясында оқытуды жоспарлауда. – Кәсіпкерлер палатасы құрылған сәттен кәсіппен айналысқысы келетін азаматтарды оқытуға, біліктілігін көтеруге басымдық береді. Биыл Палата жанындағы «Бизнес кеңесші» курсына азаматтар жазылуды бастады. Бүгінгі күнге дейін 1121 адам курсқа қатысуға ниет білдірді. Өңірдің кәсіпкерлік саласына тың серпін берген «Атамекен» Ұлттық кәсіпкерлер палатасымен қолға алынған «Бастау бизнес» жобасы аясында биыл 7 ауданнан 1600 адамды оқыту көзделген, – деді Ғалымбек Жақсылықов.
«Сауда үздігі – 2017» республикалық байқауында қызылордалық кәсіпкерлер бірнеше номинациялар бойынша І орынды жеңіп алды. Енді «Сауда үздігі» республикалық байқауы Қызылорда қаласында тамыз айында өтеді.
