СТУДЕНТТЕР ПАРТИЯ ҚАТАРЫНА ҚАБЫЛДАНДЫ
Тұңғыш Президент күні қарсаңында Қорқыт ата атындағы Қызылорда мемлекеттік университетінің оқытушылары мен студенттері «Нұр Отан» партиясының қатарына салтанатты түрде қабылданды.
Университет ректоры Қ.Бисенов өңіріміздің қоғамдық-саяси, мәдени жұмысқа белсенді атсалысып жүрген жастарға алғысын білдіріп, оларды арнайы алғыс хатпен марапаттады. Бүгінде Қорқыт ата атындағы Қызылорда мемлекеттік университетінің 1000-ға жуық студенті «Нұр Отан» партиясының мүшелігіне қабылданған. Ал өңіріміз бойынша 2500 адам партия қатарында. Мерекелік шара соңында салтанатты түрде партия қатарына өткен жастардың атынан Б-16-3 тобының 2-курс студенті Айдана Әбиболлақызы сөз сөйлеп, алдағы уақытта ел игілігі үшін аянбай еңбек ететінін жеткізді. Сонымен қатар Ж-17-1 оқу тобының студенті Шернияз Жалғасбекұлы Тұңғыш Президент Н.Назарбаевқа арнау оқып, көпшіліктің ілтипатына бөленді.
