«Сыр еркесі» балабақшасында «Мамандықтың бәрі жақсы» тақырыбында ашық оқу қызметі өтті. Мақсаты – балаларға әртүрлі мамандық иелерінің еңбегін бағалауға және әр мамандықтың өзіне тән қызығы мен қиындығы болатынын түсіндіру. Шара кіріспесінде балалар бір-біріне «Тілек шоғын» табыстап, ізгі тілектерімен бөлісті. Балаларға сұрақ-жауап түрінде әр мамандықтың қызметі таныстырылды. Қорытынды бөлімінде балалар жаттығу жасап, суреттегі мамандық иелерінің құралдарын табу арқылы «Кімге не керек» атты ойынын ойнады.