Тұрсын Алагөзовті үйінен қуып шықты
Тұрсын Алагөзовті сотқа берген ұлы Арсен әкесін элиталы үйінен қуып шықты деп хабарлайды tengrinews.kz. Алматының Бостандық аудандық сотының мәліметінше, пәтер қаладағы жақсы аудандардың бірінде орналасқан. Сатып алу және сату бойынша және тұрғын алаңын жалға алу бойынша жасалған келісімшартқа сәйкес, пәтер Тұрсынғали Алагөзовтің ұлы Арсенге тиесілі. Ол әкесіне пәтерде тұруға рұқсат берген.Соттың үкімімен 2017 жылдың мамырында Арсен әкесіне берілген сенімхаттың күшін жойған.
Айта кетейік, Алагөзов бұл шешіммен келіспей, аппелияциялық сотқа бергенімен, бұл ісі нәтиже бермеген."Алматы қалалық Бостандық ауданының шешімімен 2018 жылдың 20 сәуірінде талаптар жартылай қанағаттандырылып үкім шыққан. Алагөзов Тұрсынғали Тұрымұлын пәтерден шығарып, Алагөзов Тұрсынғали Тұрымұлынан Алагөзов Арсен Тұрсынғалиұлының пайдасына мемлекеттік баж салығы бойынша 1203 теңге көлемінде ақша (бір мың екі жүз үш) өтелсін", - делінген соттың үкімінде.
