ЖҰМЫССЫЗДАРҒА ЖӘРМЕҢКЕ ЖӘРДЕМДЕСТІ
А.Тоқмағанбетов атындағы мәдениет үйінде «Бос жұмыс орындары» жәрмеңкесі өтті. Жәрмеңкенің мақсаты – Қызылорда қалалық пробация қызметінің есебінде тұрған, жұмыссыз қоғамнан оқшаулауды қажет етпейтін жаза түрлеріне сотталғандардың қайта қылмыс жасаудың алдын алу және жұмыспен қамту. Жәрмеңкеге қалалық жұмыспен қамту орталығының, «Нұр Отан» партиясының, Жастар ресурстық орталығының және Қызылорда қалалық Пробация мекемесінің қызметкерлері сондай-ақ пробация қызметінің есебінде тұрған 37 адам жұмыс іздеуші ретінде қатысты.
Жәрмеңкеге 40-тан астам жұмыс беруші мекемеден 180 бос жұмыс орындары ұсынылып, жазасын өтеп келген 3 адам жұмысқа орналастырылды.
