Жұмыс жастарды іздейді
Қызылорда облысының жастар саясаты мәселелері басқарамасының қолдауымен, «Қызылорда облысының жастар Одақтары» қоғамдық бірлестігі мен қалалық жұмыспен қамту орталығының ұйымдастыруымен Асқар Тоқмағанбетов атындағы мәдениет үйінде "бос жұмыс орындары" жәрмеңкесі өтті. Аталған жәрмеңкеде мемлекеттік мекемелер 20-дан аса бос жұмыс орынын ұсынса, жеке кәсіпорындар 65 жұмыс орынын ұсынды.
– Өңірімізде бос жұмыс орындарына арналған жәрмеңке жиі өткізілуде. Нәтижесінде жұмыс іздеген жастар да, жұмыс берушілер де көп. Мұнда жұмыссыз жастар екі қолға бір күрек табуына жағдай жасалған. Өйткені бос жұмыс орыны көп, таңдауға да мүмкіндік бар, - дейді жұмыс іздеуші Бекзат Талғатұлы.
Жыл соңына дейін жастарды тұрақты жұмысқа орналасуына бағыттайтын мұндай жәрмеңкелер жиі өткізілмек.
