Астанаға экскурсия
Астана қаласының 20 жылдық мерейтойын атап өту мақсатында Қорқыт ата атындағы ҚМУ-дың қолдауымен іргелі оқу орнының оқуда озат, өнерде дара, қоғамда белсенді және спорт саласында түрлі жетістікке жеткен студенттер елордасы Астананы тамашалауға мүмкіндік алды.
"Рухани жаңғыру" бағдарламасы аясында ұйымдастырылған танымдық саяхатта студенттер еліміздің бас ордасындағы көрікті жерлерге тұрақтады. Бәйтерек монументінен бастау алған экскурсия Ұлттық музейде аяқталды.
– Шараның негізгі мақсаты – «Рухани жаңғыру» бағдарламасы аясында Астана қаласының 20 жылдық мерейтойына орай Астана қаласына экскурсия ұйымдастыру. Жыл санап өркендеген қаланың одан әрі дамуына үлес қосу. Студенттер экскурсия барысында шаһардың көрікте жерін көріп қана қоймай, ел тарихымен тереңде жатқанын ұқты, – деді кәсіподақ комитетінің төрағасы Шакизат Қаратайұлы.
