Өйткені жақсы көремін
Мәдениет және спорт министрлігі тапсырысы бойынша Шәкен Айманов атындағы «Қазақфильм АҚ түсірген «Өйткені жақсы көремін» атты деректі фильмі Павлодар қаласында өткен І Халықаралық «Ertis cinema» қысқаметражды кино және деректі фильмдер кинофестивалінде көрермен көзайымы жүлдесімен марапатталды.
– Павлодарлықтарға және қала қонақтарына осы жүлде үшін алғыс білдіреміз. Бізге сеніп, осы фильмді түсіруге қолдау білдірген «Қазақфильм» киностудиясының «Деректі кино және киношежірелер» шығармашылық бірлестігінің жетекшісі Әсет Ерназаровқа, сондай-ақ бізге бағыт-бағдар берген ұстазымыз Әсия Байғожинаға алғысымыз шексіз, – деді фильмнің сценарий авторы Надира Сәдуова.
