ЕВРОВИДЕНИЕ ШАҚЫРАДЫ
25 қарашада Минскте 9-14 жас аралығындағы балалар арасында «Junior Eurovision Song Contest» халықаралық ән байқауы өтеді. 15 жылдық тарихы бар байқауда біздің ел алғаш рет бақ сынайды.
Байқау шарты бойынша қатысушы жаңа, еш жерде жарияланбаған әнді жанды дауыспен орындау қажет. Жеңімпаз телекөрермендердің және қатысушы елден құралған қазылар алқасының дауыс беру жолымен анықталады. «Евровидениеден» ерекшелігі – балалар байқауында жеңімпаз ел автоматты түрде келесі байқауды өз елінде өткізу құқығын иеленбейді, бұл жас қатысушыға қысымды азайту үшін жасалған. Биыл байқауға 19 ел қатысады деп күтілуде.
