ЕКІНШІ КІТАБЫ ШЫҒАДЫ
Жуырда ертегіші қыз Алтынайдың екінші кітабы жарыққа шығады. Алтынай Берік – 50-ден астам ертегінің авторы. 6 сыныпқа көшкен қаршадай қызертегімен қатар өлең шығарып, әңгіме құрастырады. Жеті жастан бері ертегі құрастыруды бастаған ол ой тұңғиығындағы бейне, кейіпкерлерді әуелі сурет қылып салады. Содан кейін қағаз бетіне түскен бедерге тіл бітіріп, ертегі желісін жазады. Аймақ басшысының қолдауымен басылып шыққан алғашқы 62 беттік жинаққа 32 ертегі, 13 өлең және 10 шақты әңгіме енген.
