Жас құтқарушылар
№136 орта мектепте «Жас құтқарушы» клубы құрылды. Үйірменің мақсаты – оқушылар арасында бұқаралық құтқарушы жұмысын жандандыру, өскелең ұрпақты отансүйгіштікке тәрбиелеу.
Төтенше жағдайлар департаментінің бастамасымен орта мектеп пен колледж негізінде қаланған «Жас құтқарушы» үйірмесіне құтқарушы мамандығының қыр-сырына баулитын «Жас-өркен», көпсалалы «Ұлағат» колледжімен бірігіп, ауқымды іс-шара өткізілуде. Шара барысында балалар өрттен құтқарудың түрлі әдіс-тәсілін меңгереді. Осы ретте оқу орындары мен өндіріс арасында өзара шығармашылық байланыс орнап, сапалы, білікті, маман даярлау ісі жолға қойылады.
