Бүгін Мәжіліс депутаттары Астанадағы «Тұлпар-Тальго» зауытының өндірісімен танысып, жұмысшыларымен кездесті.
«Тұлпар Тальго» зауытының өндіріс жөніндегі директоры Владимир Кисилев зауыттың былтыр 62 вагон шығарғанын, ал биыл 91 вагон шығаруды жоспарлап отырғанын айтты. Сондай-ақ, ол кәсіпорында барлығы 183 адам жұмыс істейтінін жеткізді.

«Біз «тальго» өндірісінің испандық технологиясымен жұмыс істейміз. Вагондар осы стандарттарға сай келеді. 2012-2015 жылдар аралығында бір келісімшартты жаптық. Ол бойынша 436 вагон шығардық. Содан кейін 2015 жылдан бастап жаңа келісімшарт бойынша жұмыс бастадық. Оған сәйкес вагонның кузовы кеңірек болып келеді. 2023 жылға дейін бұндай 603 вагон шығарылмақ. Қазір 178 вагон жасалған», - деді Кисилев.