Шарада балалар мен жасөспірімдердің қатысуымен жол-көлік оқиғасын болдырмауға мүдделі ведомство, ұйымдар мен жалпы жұртшылық назарын барынша аудару керектігі айтылды. Балалар жол полициясы қызметінің құрылу тарихын айтуда, апат кезінде шұғыл медициналық көмек көрсету және қиылыстарда қозғалысты реттеу бойынша біліктілігін көрсетті.

Слетте саптық байқау, жол қауіпсіздік ережелерінің білгірлері, үгіт бригадасының сайысы, жас санитар, велосипед, ролик, скейтбордты мәнерлеп жүргізу сайысы өткізілді. Жоғары деңгейде өткен бәсеке нәтижесінде Сырдария ауданының командасы жеңімпаз атанды. Ал ІІ және  ІІІ орынды Арал мен Қазалы ауданының жас инспекторлары тең бөлісті.