Мақсат қоюды үйрендім
Әкем балаларының болашағына қатты алаңдайды. Сондықтан ағам Құлынды да 7-сыныптан бастап дарынды балаларға арналған мектеп-интернатта, ал әпкем Аружанды №12 Қабылов атындағы мектепте оқытты. Мені де 4-сыныпта Қызылордаға әкелді. Қазір сабақтан бөлек, аптасына үш рет «Тарлан» спорт кешенінде бокстан жаттығуға қатысамын. Ағылшын тілін үйрену үшін «Speak english» сабақтарына барамын. Әкемнің мақсаты – менің мықты, білімді жігіт болып ержетуім. Қазір дарынды балалар мектебіне дайындалудамын. Қалаға келгенімде оқушыларға үйренісе алмағаным, кейде қоғамдық көліктерге шатасып мінгенім, қарным ашқан кездер көп болды. Мұндай жағдай әлі де болып тұрады. Ең бастысы тәуекел етіп, мақсат қоюға үйреніп келемін.
Жетістіктері: Бокстан спорт мектептері арасында өткен жарыста 32 кг салмақта – ІІІ орын, 32 кг салмақта – І орын иеленген.Айдана ЖҰМАДИНОВА
