Фируза Шарипованың келесі жекпе-жегі қашан өтетіні белгілі болды
8 қыркүйек күні Санкт-Петербург қаласында екінші жартылай жеңіл салмақта IBO нұсқасы бойынша әлем чемпионы Фируза Шарипова (8-1, 4 КО) испаниялық боксшы Мириам Гутьерреспен жұдырықтасады. Бұл туралы Астанада өткен брифингте қазақстандық боксшының менеджері Сергей Завилейский айтты.«Алдағы жекпе-жек Санкт-Петербург қаласында өтеді. Фируза Шарипованың қарсыласы (8-1, 4 КО)жеңіліп көрмеген испаниялық боксшы Мириам Гутьеррес. Ол 8 жекпе-жек өткізіп, барлығында жеңіске жеткен. Кездесуде WBO титулы сарапқа салынады. Осыған дейін ешкім Қазақстаннан осы титулды алмаған. Менің ойымша, Фируза Шарипова осы титулды елімізде бірінші болып алады», - деді ол.
Сонымен қатар менеджер Фируза Шарипова жеңіске жетсе, үш салмақ дәрежесінде чемпион атанатынын атап өтті.
Айта кетейік, осыған дейін Фируза Шарипованың (8-1, 4 КО) алдағы жекпе-жегі өтпейтінін хабарлағанбыз.«Сондай-ақ Фируза үшінші салмақ дәрежесінде өнер көрсеткелі отыр. Егер ол жеңіске жетсе, үш салмақ дәрежесінде чемпион атанады. Осыған дейін Қазақстаннан ешкім мұндай жетістікке жетпеген. Ал әлемде мұндай жетістікке жеткен спортшылар аз», - деп түйіндеді сөзін Сергей Завилейский.
