Жауынтаевтың жеңісі
Италия астанасы Рим қаласында дзюдодан ерлер арасында Еуропа ашық кубогы өтті. Аталмыш жарыста Бауыржан Жауынтаев қола медальға ие болса, Дәурен Сүйкенов жарыстың күміс жүлдегері атанды.
60 келіге дейінгі салмақта белдескен Бауыржан жұбаныш финалында моңғолиялық Энхтайван Арюнболдты қосымша уақытта иппонмен жеңді. Ал Дәурен финалда әзірбайжандық Орудж Вализадаға есе жіберіп, ел қоржынына күміс салды. Сондай-ақ Ерлан Жақсыбеков (-66 кг), Еламан Қойшыбаев (-81 кг), Еркебұлан Абдулла (+100 кг) жарысты 5-орынмен аяқтады. Нәтижесінде, Қазақстан құрамасы медаль кестесінде 46 ел ішінде 7-орынға тұрақтады.
