"Азаматтық қоғам" орталығының конференц залында "DEMO DAY" бизнес жобалар байқауы өтті. Байқауды Қызылорда қалалық ішкі саясат бөлімінің "Жұмыссыз жастар арасында кәсіпкерлік және инновациялық кәсіпкерлік дағдыларын оқыту курстарын ұйымдастыру және инновациялық кәсіпкерлік идеяларын дамытуға арналған "Бизнес-Спринт" әлеуметтік қызметі аясында "Ашық Азаматтық Қоғам" ақпараттық-ресурстық орталығы ұйымдастырды.
Әділқазы алқасының құрамында "Ашық Азаматтық Қоғам" ақпараттық-ресурстық орталығының басшысы Аликулов Адил, Қалалық "Qosyl" жастар ресурстық орталығының кеңесшісі Жорабек Медет , Қорқыт ата атындағы Қызылорда университетінен Құлмырзаев Нұрлан болды.
Байқауда 16 жас бақ сынап, 3 жеңімпаз анықталды. І орын - Қыдырбеков Бағдат, ІІ орын - Нұрғалиев Жұбатхан, ІІІ орын - Аманкулов Нұрсұлтан, орындарға сәйкес 150 мың, 100 мың және 50 мың теңге көлемінде сыйақы табысталды. Барлық қатысушыларға алғыс хаттар берілді.