Осыған орай, ҚР Мемлекеттік қызмет істері агенттігінің облыстық департаментінің ұйымдастыруымен ҚР Сыбайлас жемқорлыққа қарсы іс-қимыл агенттігінің облыстық департаментімен бірлесіп, департамент қызметкерлеріне жаңадан қабылданған заң қағидалары бойынша түсіндірме жұмысын жүргізді. Жиында ҚР Мемлекеттік қызмет істері агенттігінің Қызылорда облысы бойынша департаменті басшысының міндетін атқарушы Берікбол Байхожаев сыбайлас жемқорлық тәуекелдері мен көріністері туралы және профилактикалық шаралардың маңызына тоқталды.

Келесі кезекте ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының бірінші орынбасары Бақытжан Ниязов өзгерістер мен толықтырулар туралы түсіндірді.

Аталған заңда мемлекеттік қызметшілерге және сыбайлас жемқорлыққа қарсы шектеулер қабылдаған өзге де адамдарға, сондай-ақ олардың отбасы мүшелеріне сыйға тартушының пайдасы үшін, егер мұндай әрекеттер аталған адамдардың қызметтік өкілеттігіне кіретін болса, сыйлық беруге жол берілмейтіні қарастырылған.

Алдағы уақытта, жоғарыда аталған департаменттердің жауапты қызметкерлері қоғам өкілдерімен бірлесіп, жаңадан қабылданған заң қағидалары бойынша мемлекеттік органдар арасында түсіндірме жұмысын жүргізеді.