Мемлекеттік қызмет істері және сыбайлас жемқорлыққа қарсы іс-қимыл агенттігінің облыс бойынша департаментінің ұйымдастыруымен "1 маусым – Халықаралық балаларды қорғау күніне" орай өткізілген сурет көрмесі сыбайлас жемқорлыққа қарсы заңнаманың қалыптасуының 20 жылдығына арналды. Көрменің мақсаты –  өскелең ұрпақтың бойында сыбайлас жемқорлыққа қарсы мәдениетті қалыптастыру.

Көрмеде орта мектептің 5-9 сынып оқушыларының 50-ден астам жемқорлыққа қарсы үздік сурет қойылды. Көрмені мектеп оқушылары мен балабақша бүлдіршендері тамашалап, оларға сыбайлас жемқорлықтың зияны түсіндірілді.