Қаладағы М.Шоқай атындағы № 187 қазақ орта мектебінде «Латын әліпбиі – болашаққа бастар даңғыл жол» тақырыбында дөңгелек үстел өтті.

Кеңейтілген дөңгелек үстелге Қорқыт ата атындағы ҚМУ-дың филология ғылымдарының кандидаты, қазақ тілі мен әдебиеті және журналистика кафедрасының доценті Г.Баялиева, Қорқыт ата атындағы ҚМУ-дың қауымдастырылған профессоры, филология ғылымдарының кандидаты К.Сарышова, облыстық ішкі саясат басқармасы Тілдерді дамыту орталығының әдіскері Ж.Ерекешова және мектеп директорының бағдарлы оқыту ісі жөніндегі орынбасары Л.Төлегенова қатысып, латын қарпіне қатысты ой өрбітті. Тіл мамандары латын қарпіне көшу күрделі үдеріс екенін, мақсаты тілімізді дамыту және оны әлемдік ақпараттық кеңістікке шығару үшін жағдай жасау екенін атап өтті.