Мешін жылы туғандар асығыстығымен ел назарын өзіне аударып жүреді. Ит жылында баршаға ортақ тәртіпке бағынуға тура келеді.

Спортпен шұғылданыңыз. Арнайы спорт залына бармай-ақ,теледидардан таңертеңгілік бағдарламамен бірге жаттығу жасаңыз. Қозғалыста болыңыз. Жұмысыңыз кеңседе немесе ғаламтормен байланысты болса он минут көз,қол жаттығуын жасап,өзіңізді сергек сезініңіз. Міндетті түрде таза ауамен тыныстаңыз. Өйткені бөлмедегі ауа кері әсерін беруі мүмкін. Далада серуендеп, жай ғана жүгірсеңіз де денсаулығыңызға көмегін тигізеді.

Жыл басы жақсылыққа толы болады. Жұмыста және өмірде жаңа таныстар көбейіп, жарқын сәттер көп болады. Көктемге қарай табысы мол кәсіп бойынша жақсы ұсыныстар аласыз. Бұл сіздің болашақтағы қаржылық жағдайыңызды көтереді. Әсіресе кәсіпте, саудада жол ашылады. Күзге жақын жаңа үйлі болып немесе өз үйіңізді үлкейтуіңіз ықтимал.

Әлі өмірлік серігін кездестірмеген Мешіндерге жұлдыздар абай болу қажеттігін ескертеді: болашақ жарыңызды таңдағанда, қызығушылықтарыңыз бір арнада тоғыса ма, соған мән берген дұрыс.

Жұмыс бойынша іссапарға жиі шығуға тура келеді. Жүйкеңіз жұқарып, физикалық тұрғыдан аздап шаршайсыз. Жыл ортасында қаржылық тұрақсыздық байқалады. Сол себепті көлемді қарызға батуыңыз мүмкін. Жұмыс ауыстырып қалуыңыз да ғажап емес.