Қаладағы №197 қазақ орта мектебінің ұжымы ұйымдастырған шара Елбасының «Рухани жаңғыру» бағдарламасына, Қызылорда қаласының 200 жылдық мерекесіне орайластырылды. Доданың мақсаты – жас ақындарды қолдап, халыққа таныстыру, атадан балаға мирас болған айтыс өнерін насихаттау.

Айтысқа әр ауданнан 10 жас ақын қатысты. Ұлттық өнерді бағалайтын сырбойылық көрерменге жас ақындардың сөз саптауы мен орынды сөз қолданысы ұнады.

Ақындар ішінен бас жүлдені №197 қазақ орта мектебінің 11 сынып оқушысы Ерасыл Байментаев иеленіп, оған 50 мың тенге көлемінде сыйақы берілді. Жүлделі І орынды Арал ауданы №66 Шөмішкөл орта мектебінің 11 сынып оқушысы Бексұлтан Орынбасаров (40 мың теңге), ІІ орынды №2 «Мұрагер» мектеп-лицейінің 7 сынып оқушысы Сандыбай Піржан (30 мың теңге), ІІІ орынды №187 мектептің 8 сынып оқушысы Бақдәулет Әбілдаев (20 мың теңге) өзара бөлісті.

Додаға қатысушы басқа жастарға «Көрермен көзайымы» номинациясы тағайындалып, ынталандыру сыйлықтары тапсырылды.