Орталық сайлау комиссиясы республика бойынша шығып қалған мәслихат депутаттарының орнына қайта сайлау өткізді. Нәтижесінде 68 депутат сайланып, оның ішінде 10 облыстық, 17 қалалық және 41 аудандық мәслихат депутаты бар. Сайлау науқаны барысында депутаттыққа 243 кандидат ұсынылып, олардың ішінен мәслихатқа 202 кандидат тіркелді. Дауыс берушілер саны 67,4 пайызды құрады.

Сайлау облысымыздың үш ауданында, атап айтқанда Арал, Сырдария, Шиелі  ауданында және Қызылорда қаласында  өтті. Дауыс беруге сайлаушылар тізіміне енгізілген 15704 сайлаушының 11971 қатысты. Сайлау қорытындысы бойынша Арал аудандық мәслихат депутатына Талғат Мырзағұлұлы, Сырдария  аудандық мәслихатына Сейткамал Абзалұлы, Шиелі аудандық мәслихатына Мұханбетжан Бекмырзаұлы, Қызылорда қалалық мәслихатына

Мұса Жақыпұлы сайланды.