Жаңақорған ауданы, Бесарық бекетінің мәдениет үйінде білім саласында ұзық жылдар еңбек еткен ардақты ұстаз, ақын Тұрар Сүлейменовті еске алуға арналған «О, Өлең, менің періштем! Сенімен сыр бөліскем» атты  жазба ақындар мүшәйрасы өтті. Оған 6 үміткер қатысты.

Жиында белгілі публицист Құлбек Ергөбек қатысып, досы жайында естеліктер айтты. Сонымен бірге шарада ақынның еңбек жолымен шығармашылығына арналған арнайы «Өмір өлең» атты бұрыш жасақталды.  Онда Т.Сүлейменовтің суреттері, түрлі басылымдарда жарық көрген туындылары мен  жеткен жетістіктері қойылды.

Мүшәйра қорытындысы бойынша бас жүлдені Талап ауылының тұрғыны Ерсұлтан Мұстафаев жеңіп алды. Барлық қатысушыларға ақшалай сыйлық табыс етілді.