Бала жүрегі – кішкентай күй сандық. Өйткені олардың жүрегіне жол табу, қабілет-қарымын ашу кез келген мұғалімнің қолынан келе бермейді. Ал Қызылорда қалалық №264 мектеп-лицейінің қазақ тілі мен әдебиеті пәнінің мұғалімі Гүлзар Башарованың оқушылары республикалық байқауларда топ жарып жүр. Оған дәлел, қазақ шығармашылығы бірлестігі ұйымдастырған «Мәңгілік Ел – Қазақстаным!» атты фестивальде Мирас Бердібек мәнерлеп оқудан бас жүлде иегері атанса, Әлимансұр Ғалымхарижанұлы жыр мүшайрасынан «Қалмағамбет батырдың ұрпағымын» атты өз өлеңімен халықты тамсандырып, бас жүлде иеленді.