МДБ-ның Қызылорда облысы бойынша өкілі, бас имам Болатбек қажы Ұласқанұлы Арал ауданына барып, негізгі үш бастаманы аудан халқына кеңінен насихаттап қайтты.

 «Әр отбасыдан бір тал» қайырымдылық акциясы аясында Бас имам аудандық орталық мешіт ауласына көшет отырғызып, мешіттің тыныс-тіршілігімен танысып, жамағатпен жүздесіп, сұқбат жүргізді. Ауданға қарасты кент, ауылдық округ және елді мекен имамдарының қатысуымен өткен алқалы жиында дін қызметкерлерінің жұмыс жоспары талқыланды. ҚМДБ төрағасының «Өзгеруді өзіңнен баста» бастамасы кеңінен түсіндіріліп, «Жаназа және жерлеу рәсімдеріне» қатысты түйткілді мәселелер назарға алынып, халыққа ыждаһаттылықпен түсіндірілді. Сондай-ақ, «Ислам және отбасы» жылы атқарылуы тиіс шаралар легі  жоспарланды. Сапар соңында, бас имам аудан әкімімен кездесіп, аймақтағы діни ахуал, мешіттердегі маман мәселесі жайлы сөз қозғап, жоспарлармен бөлісіп, ұсыныстарын жеткізді.