Еркін күрестен үш дүркін Азия чемпионы қызылордалық балуан Дәулет Ниязбеков халықаралық күрес ұйымының жаңартылған рейтингінде ең үздік 5 балуанның қатарына енді.

65 келіде ел намысын қорғайтын Дәулет Ниязбеков жаңартылған рейтингте 26 ұпаймен 4-орынға жайғасқан. Бұл салмақтағы көш тізгінін 45 ұпаймен ресейлік Ильяс Бекбулатов бастап тұрса, екінші орында түрік балуаны Селахаддин Киличаллаян тұр. Ал үздік үштікке 2017 жылғы әлем чемпионы әзірбайжандық Гаджи Алиев кірсе, Рио Олимпиадасының чемпионы Владимир Хинчегашвили 5-орынға тұрақтаған.

Айта кетейік, Дәулет Ниязбеков Азия чемпионатынан кейін әлемдік додада белдескен жоқ. Сондай-ақ жаңартылған рейтингте тағы бір қазақстандық Нұрислам Сана 61 тізімде тұр.