Футболдан әлем біріншілігі басталғалы әлемнің назары Ресей жеріндегі доп додасына ауды. Жер бетінің жұлдызды ойыншыларының басын қосқан бәсеке де бел ортасына таяды. Біріншілік барысында көптеген келеңсіз жайттар да жоқ емес. Мысалы, әлемге әйгілі Лионель Месси өз шеберлігін қолдаушыларына байқатар емес. Жанкүйерлер мұның себебін анықтағандай. Аргентиналықтардың айтуынша, сүйікті ойыншысына "көз тиген" деген диагноз қойды. Леоның қолдаушылары бұл дерттен айығып, құрамасын плей-офф-қа алып шығатынына сеніммен қарайды.