«Рухани жаңғыру» орталығының ұйымдастыруымен «National taste» форматында ұлттық сусындар акциясы өтті.

Шарада жастарға шұбат, қымыз, айран сусыны жайлы танымдық ақпарат айтылып, ұлттық құндылықтар дәріптелді. Шара күндіз «Қызылорда тазалығы», «Қызылорда автобус паркі» қызметкерлеріне, жол жөндеуші компания жұмысшыларына ұлттық сусын таратумен басталды. Көшедегі жаяу жүргіншілер де көңіл аударып, ұлттық сусыннан дәм татты. Акция аясында тек ұлттық сусындар таратылып қана қоймай, жиналғандарға оның мәні мен мазмұнын айқындайтын ақпарат берілді. Интеллектуалдық ойын ойнатылып, ұлттық тағамдар  мен салт-дәстүрге қатысты сұрақ қойылды.