«Қызылорда-Жезқазған» жолының құрылысына ірі халықаралық қаржы институттар қызығушылық танытып отыр. Бұл туралы Мәжілістегі Үкімет сағатында ҚР Инвестициялар және даму министрі Жеңіс Қасымбек мәлім етті, деп хабарлайды ҚазАқпарат.

«Қызылорда-Жезқазған» жолын қайта салу мәселесі қарастырылып жатыр. Бүгінде осы жолға қатысты министрлікке сұрақтар көптеп түсіп жатыр. Бүгінде аталған жол учаскесінің құрылысына Азия даму банкі мен Еуропалық қайта құру және даму банкі секілді халықаралық қаржы институттары қызығушылық танытуда», - деп тоқталды министр.

Оның сөзіне қарағанда, аталған жолға қатысты техникалық экономикалық негіздемені даярлау бойынша меморгандармен тиісті жұмыстар атқарылуда. Жобалық жұмыстар 2019 жылы басталады. Қажетті қаржы бюджет жобасында ескерілген. Бұл тұрғыда бюджеттік комиссия тарапынан қолдау жасалды.

Үйлестіру кеңесінің шешіміне сәйкес, банк займын 2020 жылы тарту жоспарланып отыр.